本地插畫界奧運巨獻! 新世紀廣場 x GRAPHICAIRLINES之阿肥愛運動

text>若菩 photo>Jay W edit>Fung Lee07/11/2012 8:00am
Bee.WEBZINE報導】

4年1度的全球盛事奧林匹克運動會,即將於英倫舉行。潮流界以至飲食界各大品牌,都為「奧運特別版」這門子的事而忙著。而本地各單位亦不甘示弱,先有收費及免費電視台,為奧運轉播權爭崩頭作賽前熱身。另一邊消費項目就要幾多有幾多,仲有不少商場以奧運主題搞展覽,分文不取之餘,順道亦推廣本地創作,真係一舉兩得。

本地2人創作團隊GRAPHICAIRLINES,熱愛游擊式隨處周街貼畫布,於是筆下各個人物,例如今次介紹的肥面人阿肥,於本地街頭巷尾不難見到,更曾於何韻詩《幽默感》MV內擔正做主角及多次於各大展覽會中出現,可算得上GRAPHICAIRLINES標誌性人物。而今次阿肥再次擔正,為GRAPHICAIRLINES與新世紀廣場合作的倫敦奧運主題展覽《阿肥愛運動》一展身手。話說身處倫敦縮影街頭的阿肥先係巴士站跑入會場,繼而在崎嶇的跑道往下跑,跟住踩單車去到大笨鐘,最後跳起飛身入樽,每part都表現出阿肥愛運動的體育精神。

除體育項目之外,場內亦擺放了不少GRAPHICAIRLINES的art pieces,另外「巴士」內設有pop-up store,GRAPHICAIRLINES更為是次活動,特地設計幾款運動主題tee在展覽期(即日至8月12日)發售,絕對期間限定!近日酷熱天氣警告頻掛,如此有冷氣的免費拍照景點,情侶檔或家庭樂,絕對不失為一個好去處。

GRAPHICAIRLINES tee


$260

Shop Location

地址:

新世紀廣場 九龍旺角東部太子道西193號 2397 0790

Tags:
新世紀廣場 graphicairlines 阿肥 art pieces pop up

Comment

Leave a comment

Facebook