霸氣護女Look!城城10大黑超造型大解構

text>Bradypus12/02/2015 9:06pm
Bee.WEBZINE報導】

 呢兩日鬧得熱哄哄的,莫過於「新城嫂」方媛(Moka)終於曝光的新聞,娛樂嘅嘢小編好少留意,但當我睇完「城城」霸氣插住褲袋,不停講:「俾啲空間我」(連天王都要多啲空間,睇嚟香港真係太迫喇!)去護新歡,小編突然諗通咗啲嘢!娛樂嘅嘢小編真係識條鐵,咁講返潮流,其實男人要有霸氣,造型嘅嘢真係好緊要,尤其一副黑超真係唔少得。唔怪得安全至上嘅城城,會咁鍾意戴......超啦!好!就等小編同大家一齊回顧一下「舞台王者」呢廿幾年嚟嘅10大黑超霸氣Look啦!

霸氣護女Look!城城10大黑超造型大解構


產品資料:


 【1. 2015年新城嫂Moka曝光之插袋護女Look】
就喺呢張相,除咗令城城公開「新城嫂」方媛(Moka)嘅身份,亦為我哋呢個城城10大黑超Look揭開序幕



 

【2. 1999年鐘麗緹緋聞之韓味濃GD Look】
其實城城不嬲都鍾意戴超,90年代同鐘麗緹傳緋聞,相入面嘅城城玩「杜拉格斯頭」加埋副水銀鏡嘅金屬圓框超。喂!根本就同呢家GD嘅造型冇分別!

 

【3. 2000年藤原紀香Long-D緋聞之巨星賊仔帽Look】
2000年同藤原紀香傳緋聞,雖然冇戴超戴咗副平光鏡,但呢種「賊仔帽 + 黑超/平光鏡」嘅組合,根本就係天王巨星先可以駕馭到!唔信?睇埋下張相你就明架喇!

【4. 2000年代「富黛戀」曝光之Hi-street潮Look】
除咗「新城嫂」方媛,「過氣城嫂」熊黛林同城城當年都係半公開嘅情侶,呢張相城城仲著住當年紅極一時嘅House of Holland slogan tee,一個字,潮!


【5. 2000年代「富黛戀」之低調Dior HOMME味Look】
又係機場又係熊黛林,但呢次變咗恤衫加皮褸,Dior HOMME到爆,就算戴哂口罩同超,都擋唔住果陣舞台王者味!


 

【6. 2000年代「富黛戀」之潮星猿人Look】
繼續都係同熊黛林嘅相,又係賊仔帽,但今次襯烏蠅鏡同BAPE,好鬼似「樂仔」以前嘅style。玩留意返!當年仲未有Aape架!


 

【7. 2009年「偷芒戀」緋聞之愛心Causal Look】
又係機場呀!不過今次個主角換咗係王秀琳(Mango),城城個Look亦都Causal咗好多,雖然係件聯合國兒童基金會嘅tee,但呢隻色城城著完之後真係變成咗巴塞嘅作客波衫!


 

【8. 2013年「苟姑娘」緋聞之藍超Smart CausalLook】
自從同熊黛林戀情告吹,城城呢幾年都有零零碎碎嘅緋聞出現,例如「苟姑娘」,個Look雖然冇乜特別,但留意返副藍色烏蠅鏡,真係唔易Handle架!


 

【9. 2013年葉熙祺緋聞之平民Aape潮Look】
同葉熙祺傳緋聞果時,又喺機場俾人影,唔好以為件橫間Polo Shirt係普通料,係Aape嚟架其實!


 

【10. 2014年Kabby緋聞之低調Hi-endLook】
近年城城嘅媾女Look明顯Causal咗,但其實都係名牌上身,因為呢張合照而同少女標本成員Kabby傳緋聞嘅城城,件Hoodie實則係加拿大設計孖寶─DSQUARED2嘅出品,所以就咁加副烏蠅鏡已經夠撐!

Shop Location

地址:

 

 

 

Tags:
城城 郭富城 新城嫂 方媛 Moka 舞台王者 天王

Comment

Leave a comment

Facebook